Eqqussineq atuinerlu

Kisitsisit Kisitsisaataasivimmiittut Kalaallit Nunaanni tupanik eqqussuinermut akileraarutaasimasunik imaqarput. Eqqussineq qanoq pujortartoqartartigineranut naatsorsuutitut atorneqassappat eqqaamaqquneqarpoq, eqqussuinerup atuinerullu akornanni pissutsit ataqatigiinneranni paasiuminaattoqarsinnaammat.

·         Toqqorsivimmut/ quersuarmut pisiniarneq: Kalaallit inuiaqatigiit ikittunnguunnerat aamma assartuinerni unammillernartoqartarnera pissutaallutik toqqorsivinnut/quersuarnut pisiniarnerit sunnerneqartarput. Taakku pissutaallutik ukiumiit ukiumut pisiat allanngorangaatsiarsinnaasarput, atuineq allanngunngikkaluartoq.

·         Nioqqutissat pisoqalisimasut imaluunniit aserorsimasut maanngaannartut: Tamanna annikitsuinnarmik sunniuttarpoq pingaartumik ataatsimut annertussuseq isiginiassagaanni. Kommuninili ataasiakkaani ass. nioqqutissanik ajutoortoqartillugu naatsorsuutinut sunniuteqarsinnaasarput.

·         Eqqunneqartut nalunaarutigineqanngitsut (netto-grænsehandel):

·         Nunamiit nunamut sanilerisamut ajornannginnerusumik isersinnaasut akornanni tupat allallu nunami allami akikinnerugaangata atuineq eqqunneqartunit qaffasinnerusinnaasarpoq. Kalaallit Nunaanni akitsuutip qaffasinnera pissutaalluni atuineq eqqussukkanit qaffasinnerusinnaavoq, kisianni Kalaallit Nunaata inissisimanera pissutaalluni Kalaallit Nunaata tikiffigineqarsinnaanera periarfissakitsuaraavoq, tamannalu nalunaarutigineqanngitsunik eqqussuinermik killiliisinnaavoq.

·         Nunat assigiinngitsut akornanni mittarfeqarfinni akitsuusigaangitsumik pisiniarneq: tamanna naatsorsuinermut ilaanngilaq, periaaseq taanna nunani avannarlerni atuuppoq.

·         Takornariat, tikeraat imaluunniit ukiup ilaatigut sulisartut atuinerat: Takornariat, tikeraat imaluunniit ukiup ilaatigut sulisartut tupamik atuinerat erseqqissarneqanngilaq. Kommune amerlasuunik takornarialik, tikeraalik imaluunniit ukiup ilaatigut suliartortulik inummut ataatsimut annertunerusumik pilersorneqarsimasinnaavoq, kommunimut allaniit takornariakinnerusumut, tikeraakinnerusumut imaluunniit ukiup ilaatigut sulisartukinnerusumut sanilliullugu.

 

Eqikkaanermi imaappoq, nalunaarsuutini Kalaallit Nunaannut tupamik eqqussukkat qularnanngitsumik atuinerup annerpaartarivaa. Naatsorsuinermi pissutsit taaneqartut pissutaallutik atuinerup eqqussuinerullu qanoq nikingatiginerat eqqortumik oqaatigineqarsinnaanngilaq.